[poem=font="Simplified Arabic,4,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يابحر عذراً جزيلاً..يابحر يمكن نسانــــــــــي=يمكن..أن الحظ قاصر..والعمر رحلة قصـــــيره
يابحر وأنت الصديق..اللي من الضيقة خذاني=يوم راح اللي هويته..وعيشتي صارت مريره
جيتلك والعمر فرحة..وخفت يسبقني زمانـــي=وتنكسر كل العواطف...وأكره الدرب ومسيره
أعترف أني هويته..وأعترف أنه رمانـــــــــي=في متاهات الزمان..اللي أبد ماذقت خيره
راح يمكنه تناسى..وأعجبه محبوب ثانـــــــي=راح يا مكبر خطاه...وليته محكّم ضميره
آآآآه يا صدمة خفوقي..وآآآآآه ياكبر الأماني=وآآآآه يا كثر السوالف..وليتني مختار غيره
ليتني ماجيت عاشق..وليت محبوبي جفاني=قبل لا تنبت ورود الحب..وأتنفس عبيــــــــــــره
الوكاد إني ضحية..والوكاد أنه بثواني=ضيّع سنين المحبة...كثر الله ألف خيره
يابحر وأنت الوحيد..اللي بالأحزان أحتواني=حلم وأحلام وأماني..وموج يطربني هديره
الغلا لاشك غلطة..وأرتمت بين المحاني=وغلطتي لاشك عاشق..غلطتي جداً كبيــــــــــره
يابحر عذراً جزيلاً..يابحر راح ونساني=مشكلة والحظ قاصر..والعمر رحلة قصيره
[/poem]