[poem=font="Simplified Arabic,4,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يانهر النيل..لو دارت سنينــــه=وطالت رحلته عني..وغيابه
وراح اللي مضى ويني ووينه=وصار الكون..بعيوني يتشابه
وطرالي عشقه ونظرات عينه=وردي الحظ يوم أنه غدابه
وذكرى قد مضت بيني وبينه=قبل لاينكتب عني ذهابـــــه
وقلبه يوم كان أغلى مدينــــه=غريبة والزمن كله غرابـــه
هلا بطيفه ولابه من يهينه=هلا به كل مايطري هلابـــــه
مشاعر خاطري لأجله رهينه=دخل قلبي وبعده..صك بابه
سجين وليتني دايم سجينـــــه=مدامه غربتي سجنه مهابه
وجيتك يابحر مثل السفينه=إليامن عانقت وجهك سحابه
حزين وكل خطواتي حزينه=ألا ليت الذي وداه جابـــه
وتعرف رغم حزني والغبينه=زماني راح..وأنا أحسب حسابه
عسى يسقى زمن بيني وبينه=ويسقى كل درب قد مشى به
وأنا لو غاب.أو طالت سنينه=يانهر النيل متحمل غيابـــه !!!!!!!!
[/poem]