[poem=font="Simplified Arabic,4,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
وشلون قلي طالبك كيف وشلـون=تقدر تهد اللي مـن سنيـن نبنـاه
ماني مصدق خونة السان وعيون=الا ان قلبك يعترف لي وابنخـاه
تكفى يا قلبه قله شلـون ابهـون=عليه وانا ساعي (ن) حيل لرضاه
تكفى يا قلبه قله انسـان مفتـون=في بحر حبه غارقٍ لين مـا تـاه
تكفى يا قلبـه دق مـن يطـرون=اسمي وقلـه تـرى مـا نسينـاه
تكفى يا قلبه لا تخليهـم يجـون=بباله اللي ضحكـة السـن مبـداه
تكفى يا قلبه علمه ويش يبغـون=اهل الحسد سود النوايـا تغشـاه
تكفى يا قلبه قله انسـان مغبـون=لا مر طيفك زود الطيف بلـواه
تكفى يا قلبه علمه كانـك تمـون=دقات قلبي كيف لا جبت طريـاه
ومن بعدها مسموح لو كانه يخون=ويترك هواي وشخصي اللي تمناه
معذور يا قلبه وان تبريت وتكون=عنه بعيد بحزة الضيـق لا جـاه
خله يحـس ان الاوادم يحسـون=خله يقول الحزن والهـم يطـواه
خله يذوق اللي نذوقه على هـون=يمكن يروف بحالتي قبـل ينعـاه
انا الصباح ان كان فيه اظلم الكون=افزع معه رغم الذي كان سـواه
للحين في قلبي له موده ومخزون=للحين احبه ما تناسيـت ذكـراه
للحين احسه غير من كان ياتـون=للحين اشوف الثقل قمـة سجايـاه
ماني مصدق خونة السان وعيون=الا ان قلبك يعترف لي وابنخـاه
[/poem]