[poem=font="Simplified Arabic,4,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
راح المطار .. وودع النـاس يـا حمـود=وانا هنا .. مـا غيـر اقوصـد واغنـي
حرَم علي موادعـه .. صاحـب الجـود=حتـى وداع الصـوت .. منـه حرمنـي
ملتـاع انـا بدنيـاي .. والحـظ مقـرود=ابكي بعـاده كيـف يقـوى .. يهجرنـي
قالوا اقلـع الطيـار .. والبـاب مـردود=عانـق غيـوم الجـو .. راح وتركـنـي
عزي لحالي .. كـل مـا هبهـب النـود=وعزي لحالي كيـف .. بقعـا اغدرتنـي
ما ينفع بشرع الهـوى .. وعـد وعهـود=ولا تنفعك ذكـرى ..و لا ضحـك سنـي
اليـوم روح .. واودع القـلـب ملـهـود=ومـن سبتـه جريـت .. مـوال جزنـي
من عقب ماني مثمر(ن) .. صرت انا عود=جفـت عروقـي .. والليالـي ابتلتـنـي
شمس وعطش .. واللي بقا ايامـي السـود=وقسوة زمن .. تضحك همـوم ازعلتنـي
هيبة غيابـك .. خوفـت راعـي الـذود=ايه بـدوي .. وجـروح وقتـي اذبحنـي
تايه ولو انـي .. عريـب ولـي جـدود=اصيـل .. لـكـن النـوايـا اظلمتـنـي
عشت الحياه ايـام .. وسنيـن مضهـود=فـارس وخيالـة .. غرامـي اغلبتـنـي
ما ادري وصل .. ارجي من الرسل مردود=ابـي اتطمـن .. والظـنـون الهبتـنـي
خايف عليه ولو .. حصل منـه صـدود=هذا الهـوى .. ودروب عشقـي اتعبنـي
الله يسامـح مجـزي الوافـي .. جحـود=لومـي علـى قلبـه .. ويـد اجرحتنـي
الموت ماهـو .. ضمـة الجسـم بلحـود=الموت فرقا الحـي .. حـي(ن) يونـي ..
[/poem]