بسم الله الرحمن الرحيم
السلام عليكم ورحمة الله وبركاته
أخواني وأخواتي أعضاء منتدانا الغالي الرائـــــــــــدية
هذه قصيــــدة وصلتني وطلب مني مجاراتها للشاعر المعروووف محمد جارالله السهلي واللي يقول /
[poem=font="Simplified Arabic,5,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
البارحة مابين همي والأوراق=جر القلم طاروق حزن يسليه
واسترسلت أبيات شعري من أعماق=الموقف اللي مر وأزريت أعديه
موعد لقا مبني على نية فراق=كان الأخير وضيق الصدر طاريه
[/poem]
إلـــخ .....
المهم جت مجاراتي على هذا النحو
[poem=font="Simplified Arabic,5,black,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالمنتثر مابين همك والأوراق=اسمع طروق الحزن لا حل طاريه
وأفهم حكاية وقت ساطي وسراق=ومن يسرقه وقته فلا عاد يمديه
ينزف وهو يكتب نهايات عشاق=عشاق تشكي الوقت وتعود تنعيه
وأنا أول العشاق وأبكاني فراق=فراق هد القلب ساحق لأمانيه
عزاه يانفسي على الضيق تنساق=وعزاه ياقلبي فقد شوف غاليه
أنوح طول الليل أسهر للأشراق=وأقول عل النوح يبري مكاويه
ومن حزة الأشراق لحمر الإشفاق=وعيني كما بالليل تذرف عباريه
على الذي ماتجذبه زحمة أسواق=إليا كثرت بالسوق جمعة غوانيه
كامل عقل مزيون للخير سباق=مايمشي الشينه لو الغير يغريه
كنه غصن ميال رويان وراق=منبع جمال الحور مشبع سواقيه
مجمع وفاء للكل وإنسان ذواق=داء ودواء الحب متجمعه فيه
ناعس طرف ذباح وجبين براق=ياحظ من ناله بالإحساس غاطيه
إفراق مثله شوه القلب بإحراق=ورغم الحريق القلب حلمه يناجيه
وحده ولا غيره له أشتاق وأشتاق=هو الوحيد الروح تصرخ وتبكيه
سبحان من سواه ياناس ماضاق=ذرعا بصنعه حامي الكون محييه
سبحان من كمله رحمن خلاق=الكامل القادر على إن يسويه
[/poem]