[poem=font="Simplified Arabic,4,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياناشدن عني علامك بمحتار=كانك تبي علمي علومي خطيرة
اسهر طوال الليل في قول الاشعار=من شان ازيح الهم ماشيل غيره
همي كما ثوبن على الجسم لي صار=من صرت هو فيني وعايش بحيرة
ولا كما مسلم مضى بين كفار=لحدن يبي قربه ولحدن يجيره
ياطير في دربك على شق الابحار=اياك تاتيني بخيب المسيره
قل للوطن والحقه حمايتة الدارقل الحقوق الضايعه وش مصيره
قل للوطن وين المجالس يالاشوار=ماهي على ملزومنا نستشيره
ولا كما باني ولا هوب عمار=يبني ويرسم كل شغله كسيره
قل للوطن ماجبتلك ياوطن عار=ماغير شتك ماتسوي دبيره
لا ني بتابع من مخربين الافكار=فكر الفقيه الملتهب من حميره
ولاني سالك مسلكن فيه الاثوار=اللي تمنوا بالوطن نزع خيره
قل للملوك انا مواريث الاحرار=من صلب شمر بالقبايل شهيره
كنا ولازلنا على العز حضار=تاريخ سجل والسيوف الشطيره
تاريخنا زاهر للاجيال دوار=عكس اتجاه الارض صوب الجزيره
وانتم ملوك الدار مافيه نكار=وانتم علم وانتم رجالن خبيره
ملوكنا فخر العرب كل الاقطار=دار السعود اهل العطايا الكبيره
يامن يعادي دارنا خاب من غار=بشروه في ردعن وحزم الذخيره
الدار هاذي دار مامثلها دار=عنوان الاسلام وفخر كل ديره
والسيف مسللولن على غدار=والدين سترن ياهواة الستيره
والشمس تضوي مابها غير نوار=والليل يضلم والقمر هو ينيره
والشعر سيرني وقلت امر امار=انت الشعور المنوفي يااميره
والحرف في قلبي مثل شبة النار=تطفي لواهيبه بحورن غزيرة
ماجيت ناوي قول هاذي الاشعار=الا ابين ذي خفوقي تثيرة
ماقلتها الا على كون عثار=يوم اشعلوا بالقلب نارن غسيرة
ياطير في دربك على شق الابحار=اياك تاتيني بخيب المسيره
قل للوطن والحقه حمايتة الدار=قل الحقوق الضايعه وش مصيره
[/poem]
- 29/03/2024 فريق الحزم بطلا لبطولة الرائدية الرمضانية ٢٠٢٤
- 28/03/2024 النجوم يحقق بطولة الطيبين الثانية بالخفجي
- 18/03/2024 الشمال يتلقى الهزيمة الثانية والنجوم بالصدارة دورة الطيبين
- 17/03/2024 الراقي يتغلب على الملكي بالثلاثة ببطولة الرائدية للطيبين ٢٠٢٤م
- 16/03/2024 الحزم ونابولي يقسوان على الرائدية والزعيم ببطولة الرائدية الرمضانية
- 15/03/2024 بالثلاثة يتعادل النجوم مع العميد في دورة الطيبين بالخفجي
- 15/03/2024 أولمبي الحزم يتعادل مع الربيّع وركائز الشرق يتعادل مع النجوم
- 15/03/2024 انطلاق بطولة الرائدية للطيبين الرمضانية بفوز الملكي على الشمال
- 14/03/2024 الحزم والهامرز يفوزان بانطلاق بطولة الرائدية الرمضانية
- 20/12/2023 الفائزون بمسابقة ابتدائية عمورية للقصة القصيرة
المقالات > يا طير
يا طير
وصلة دائمة لهذا المحتوى : http://www.alraidiah.com/articles/662/